"Azərbaycan Dəmir Yolları" cərimələnə bilər

"Azərbaycan Dəmir Yolları" QSC-nə cərimə yazılıb.

E-huquq.az-ın məlumatına görə, "Azərbaycan Dəmir Yolları" barədə İnzibati Xətalar Məcəlləsinin 485.2-ci ( Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi) maddəsi ilə inzibati protokol tərtib olunub.

İşə Nəsimi Rayon Məhkəməsində hakim Azər Tağıyevın sədrliyi ilə baxılacaq.

Protokol təsdiq olunarsa, QSC inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilə bilər.

Məhkəmənin hazırlıq iclasının vaxtı hələlik məlum deyil.

Eltac Nurullazadə