Azərbaycan-Avropa İttifaqı təhlükəsizlik dialoqunun 5-ci raundu keçirildi - FOTO

Bu gün Azərbaycan Respublikası Prezidentinin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev Avropa İttifaqının Avropa Xarici Fəaliyyət Xidmətinin Baş katibinin siyasi məsələlər üzrə müavini Enrike Mora ilə görüşüb.

E-huquq.az xəbər verir ki, bu haqda Hikmət Hacıyev öz şəxsi "X" hesabında məlumat yayıb.

"Azərbaycan-Avropa İttifaqı arasında təhlükəsizlik dialoqunun 5-ci raundunu keçirdik. Aİ-Azərbaycan əməkdaşlığının daha da artırılması məsələsini və qarşılıqlı maraq doğuran regional və qlobal məsələləri müzakirə etdik. Azərbaycanın Aİ-nın dəyərli və etibarlı əməkdaşı olduğu vurğulandı." - deyə H. Hacıyev bildirib.