Türkiyənin Balıkesir əyalətinin Ayvalık rayonunda qanunsuz miqrantlar saxlanılıb.
E-huquq.az Türkiyə mətbuatına istinadən xəbər verir ki, Sahil Mühafizəsi Mobil Radarı “MORAD-12” tərəfindən rezin qayıqda bir qrup xarici ölkə vətəndaşı aşkar edilib.
Keçirilən əməliyyatlar zamanı Yunanıstanın Midilli adasına getməyə cəhd edən 16 qeyri-qanuni miqrant yaxalanıb.
Digər əməliyyatla isə qayığın mühərrikində yaranmış nasazlıq səbəbindən dənizdə köməksiz vəziyyətdə qalan 13 qeyri-qanuni miqrant xilas edilib.
Hüquqi prosedurlardan sonra miqrantlar Balıkesir Miqrasiya İdarəsinə təhvil verilib.
Şəbnəm Mehdizadə
