Məhkəmə adam öldürməkdə təqsirləndirilən şəxslə bağlı qərar verəcək

Bakıda adam öldürməkdə təqsirləndirilən Fariz Şahniyarovun cinayət işi üzrə ibtidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.

Hakim Elnur Nuriyevin sədrliyi ilə keçiriləcək məhkəmənin hazırlıq iclasının vaxtı hələlik məlum deyil.

Qeyd edək ki, Fariz Şahniyarov 1993-cü il təvəllüdlü Samir Məhərrəmovun ölümündə təqsirləndirilir. Ona qarşı Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham irəli sürülüb.

Şəbnəm Mehdizadə