Siyəzəndə piyadanın ölümü ilə nəticələnən İlyas Ələsgərovun cinayət işi üzrə məhkəmə prosesi başa çatıb.
E-huquq.az-ın məlumatına görə, Siyəzən Rayon Məhkəməsində hakim Bəylər Ələkbərovun sədrliyi ilə keçirilən prosesdə hökm oxunub.
Hökmə əsasən, İ.Ələsgərov 1 il 6 ay müddətə nəqliyyat vasitələrini idarə etmək hüququndan məhrum edilməklə, 3 il müddətə azadlıqdan məhrum etmə cəzasına məhkum edilib. O, cəzasını məntəqə tipli cəzaçəkmə müəssisəsində çəkəcək.
Qeyd edək ki, hadisə 2023-cü ilin noyabr ayında baş verib. Ələsgərov İlyas Qismət oğlu səhər saatlarında idarə etdiyi "VAZ-2106" markalı avtomobili ilə yolu keçən 1940-cı il təvəllüdlü İsgəndərov Mikayıl Muxtar oğlunu vurub. Piyada aldığı xəsarətlərdən dünyasını dəyişib. İ.Ələsgərova qarşı Cinayət Məcəlləssinin 263.2-ci maddəsi ilə ittiham irəli sürülüb.
Şəbnəm Mehdizadə
.jpg)
