Türkiyənin Mersin şəhərində İŞİD terror təşkilatına qarşı əməliyyat keçirilib.
E-huquq.az "TRT Haber"ə istinadən xəbər verir ki, Mersin Şəhər Prokurorluğu tərəfindən aparılan istintaq çərçivəsində terror təşkilatında fəaliyyət göstərdiyi iddia edilən 3 nəfərin şəxsiyyəti və ünvanı müəyyən edilib.
Jandarma Komandanlığı tərəfindən Tarsus və Yenişehir adlı ərazilərdə keçirilən əməliyyat zamanı 3 nəfər saxlanılıb.
Ünvanlarda aparılan axtarışlar zamanı çoxlu sayda rəqəmsal materiallar və sənədər ələ keçirilib.
Zərif Sofiyeva
