ABŞ-də mağazada atışma nəticəsində ölənlərin sayı 4 nəfərə çatdı

ABŞ-nin Arkanzas ştatının Fordays şəhərində atışma nəticəsində ölənlərin sayı dördə çatıb.

E-huquq.az xəbər verir ki, bu barədə "Associated Press" agentliyi polisə istinadən xəbər verib.

"Atışma zamanı həlak olanların hamısı mülki şəxslərdir", – deyə polisdən bildirilib.

Məlumata əsasən, cümə günü ərzaq mağazasında baş verən atışmada 14 nəfər yaralanıb.

Hadisənin başqa təfərrüatları barədə məlumat verilməyib. Polis araşdırma aparır.