Hindistanda yağan güclü yağışlar nəticəsində həyatını itirənlərin sayı 19-a çatıb.
E-huquq.az "India Today"ə istinadən xəbər verir ki, ölkənin cənubunda Andhra Pradeş və Telanqana əyalətlərində yağan aramsız yağışlar ciddi fəsadlar törədib.
Daşqınlar zamanı itkin düşən 4 nəfərin axtarışları davam edir.
Andhra Pradeş əyalətində yağışlardan zərər çəkmiş 17 mindən çox insan təhlükəsiz bölgələrə təxliyə edilib.
Əyalətdə 140 qatar reysi ləğv edilib, təxminən 6 min sərnişin stansiyalarda qalmalı olub.
Şəbnəm Mehdizadə
