Yaponiyada uşaqlara verilən qeyri-adi adlarla bağlı yeni qaydalar tətbiq edilir

Yaponiyada valideynlərin uşaqlarına qeyri-adi adlar qoymasının qarşısını almaq məqsədi ilə yeni qanun qüvvəyə minib.

E-huquq.az xarici mətbuata istinadən xəbər verir ki, ailənin qeydiyyatı haqqında qanuna edilən dəyişikliyə əsasən bundan sonra valideynlərin istifadə etdikləri simvolların tələffüzü barədə rəsmi orqanlara məlumat vermələri məcburi olacaq. Belə ki, indi yalnız rəsmi olaraq tanınan tələffüzlərə icazə veriləcək.

Hökumət məktəblər, xəstəxanalar və digər ictimai xidmətlərdəki xaosa son qoymaq üçün bu addımı atıb.

Rəsmilər vurğulayırlar ki, bəzi simvollar ilk baxışdan oxumaq üçün çox mürəkkəbdir və bu, rəqəmsallaşma proseslərini çətinləşdirir. Yeni qaydaya əsasən, valideynlərdən ənənəvi tələffüzdən açıq şəkildə kənara çıxan adlar üçün yazılı izahat tələb olunacaq. Uyğun olmayan adlar üçün alternativ təkliflər tələb olunacaq. Qanuna əsasən icazə verilən təxminən 3,000 kanci simvolunun bir çoxunun variant oxunuşu olsa da, ekstremal adların rədd ediləcək.

Bu hərəkət Yaponiyanın "koseki" ailə qeydiyyatı sisteminə nadir müdaxilələrdən biri kimi birmənalı qarşılanmayıb.

Şəbnəm Mehdizadə