Rusiyada zavodda güclü partlayış olub, ölənlər var

Rusiyanın Ryazan vilayətində “Elastik” zavodunda partlayış baş verib.

E-huquq.az Rusiya mətbuatına istinadən xəbər verir ki, Şilovski rayonundakı zavodda baş verən yanğının söndürülməsinə 70 canlı qüvvə 28 texnika cəlb olunub.

Hadisə nəticəsində 5 nəfər həyatını itirib. Şirkətin əməkdaşları təxliyə edilib.

Barıt sexinin binası tamamilə dağılıb.

Hadisənin baş vermə səbəbləri araşdırılır.

Humay Eminqızı