Restoranlarda bu yeməkləri sifariş etməyin - SİYAHI

Müasir restoranlar geniş menyular təqdim etsə də, ət və balıq yeməkləri, veqan və vegetarian seçimləri daxil olmaqla, peşəkar aşpazlar bütün yeməklərin restoranda sifariş edilməyə uyğun olmadığını bildirir. Bəzi yeməklər hazırlanma keyfiyyəti, təmizlik riski və ya maliyyə dəyəri baxımından məsləhət görülmür.

E-huquq.az xəbər verir ki, tanınmış aşpazlar bu "Business Insider" platformasına bu barədə danışıb.

Şeflərin fikirlərinə əsasən, restoranda sifariş etməməyiniz tövsiyə olunan yeməklər bunlardır:

1. Tam bişmiş (quru) ət

Mətbəx Təlimləri İnstitutundan James Briscione: "Əti tam bişmiş istədikdə, aşpazlar adətən daha az diqqət göstərir və aşağı keyfiyyətli ət parçaları istifadə edir. Ətin quruması dad keyfiyyətini azaldır".

2. Dəniz məhsulları (xüsusilə bazar ertəsi)

Bruklindən məşhur şef Silvia Barban: "Çox restoran balıq tədarükünü həftənin sonuna yaxın alır. Bazar ertəsi təqdim olunan balıqlar artıq təravətini itirmiş ola bilər".

3. Midyə

Boston, Cultivar restoranın şefi Meri Dumont: "Tək bir xarab midyə belə ciddi zəhərlənməyə səbəb ola bilər. Midyəni yalnız tam etibar etdiyiniz yerdə yeyin".

4. Trüf yağı ilə hazırlanan yeməklər

Aşpaz James Briscione: "Əksər restoranlar təbii trüf yağı əvəzinə süni aromatizatorlardan istifadə edir. Bahalı olmasına baxmayaraq, bu yeməklər çox vaxt aldatma xarakteri daşıyır."

5. Lüks burgerlər

Aşpaz James Briscione: "Qaz ciyəri və ya Wagyu əti ilə hazırlanan 40–50 dollarlıq burgerlər sadəcə lüksdür. Yaxşı bir burger üçün keyfiyyətli, amma sadə ət kifayətdir. 20 dollardan çox ödəməyə ehtiyac yoxdur".

Mütəxəssislər deyir ki, restoranda sifariş verərkən menyudakı yeməklərin cazibədar görünməsi sizi aldatmasın. Şeflərin tövsiyəsinə əsasən, yeməyin təravəti, hazırlanma keyfiyyəti və qiymət–dəyər balansı diqqətlə nəzərə alınmalıdır. Təhlükəli və ya şişirdilmiş yeməklərdən uzaq durmaq sağlamlıq və büdcə baxımından daha doğrudur.

Şəbnəm Mehdizadə