İtaliyanın Kataniya bölgəsində yerləşən Etna vulkanının püskürməsi davam edir.
E-huquq.az xarici KİV-ə istinadən xəbər verir ki, 10 avqustda başlayan vulkanik fəaliyyət, 2 980-3 200 metr yüksəklik arasında yerləşən üç ayrı bacadan güclü lava axını ilə davam edir.
Ən uzun lava axını təxminən 2 kilometrə çatıb.
Cənub-şərq kraterindən ara-sıra Stromboliya tipli partlayışlar və kül atılması da müşahidə edilirdi.
Qeyd edək ki, İtaliyanın Milli Geofizika və Vulkanologiya İnstitutu daha da güclü püskürmə ehtimalına qarşı xəbərdarlıq edib.
Humay Eminqızı
