Türkiyənin Denizli bölgəsində meşə yanğını başlayıb

Türkiyənin Denizli bölgəsində meşə yanğını baş verib.

E-huquq.az Türkiyə mətbuatına istinadən xəbər verir ki, yanğın Çatak məhəlləsində başlayıb və qısa müddət ərzində küləyin də təsiri ilə genişlənərək Aydının Kızıldere məhəlləsinə qədər yayılıb.

Əraziyə yanğınsöndürmə briqadaları cəlb olunub. Rəsmi mənbələrdən verilən məlumata görə, alovların böyük hissəsi artıq söndürülüb və vəziyyət nəzarət altındadır.

Hadisə ilə bağlı araşdırmalar davam edir.

Şəbnəm Mehdizadə