Rusiyada dövlətə xəyanətdə təqsirləndirilən 2 nəfər saxlanılıb

Federal Təhlükəsizlik Xidməti (FTX) əməkdaşları Yaroslavl vilayətində 2 sakini dövlətə xəyanətdə şübhəli bilərək saxlayıb.

E-huquq.az xəbər verir ki, bu barədə Rusiya Federal Təhlükəsizlik Xidmətinin İctimaiyyətlə Əlaqələr Mərkəzi məlumat yayıb.

Müəyyən edilib ki, Rıbinsk sakini və Yaroslavl sakini öz təşəbbüsləri ilə Ukrayna xüsusi xidmət orqanlarının nümayəndələri ilə əlaqə qurublar və kuratorların tapşırığı əsasında Yaroslavl vilayətindəki kritik infrastruktur obyektləri haqqında məlumat toplayaraq ötürüblər.

Onlara qarşı Rusiya Federasiyası Cinayət Məcəlləsinin 275-ci (dövlətə xəyanət) maddəsi ilə cinayət işi açıb.

Cinayət işi üzrə sübutların toplanması istiqamətində əməliyyat-axtarış tədbirləri və istintaq hərəkətləri davam etdirilir.

Humay Eminqızı