Kiyevə hücum nəticəsində ölənlərin sayı 23 nəfərə çatıb

Avqustun 28-nə keçən gecə Rusiyanın Kiyevə pilotsuz təyyarələr və raketlərlə hücumu nəticəsində 23 nəfər həyatını itirib.

E-huquq.az xəbər verir ki, bu barədə Ukraynanın prezidenti Volodimir Zelenski məlumat verib.

Zelenski qeyd edib ki, onlardan 22-si Kiyevin Darnitski rayonunda yerləşən yaşayış binasına zərbələr nəticəsində həlak olub.

Həyatını itirənlərdən 4-ü azyaşlıdır.

Hücum nətinəsində 53 nəfər yaralanıb, 8 nəfərin isə axtarışları davam edir.

Zelenski vurğulayıb ki, Rusiya buna və bütün digər hücumlara görə cavab verməlidir.

Humay Eminqızı