Tramp və Paşinyan nüvə əməkdaşlığını inkişaf etdirmək barədə razılığa gəlib

ABŞ və Ermənistan nüvə sahəsində əməkdaşlığı inkişaf etdirmək barədə razılığa gəliblər.

E-huquq.az “Lenta.ru”ya istinadən xəbər verir ki, bu razılaşma 8 avqustda Vaşinqtonda, Ağ Evdə keçirilən görüş zamanı ABŞ Prezidenti Donald Tramp və Ermənistanın Baş naziri Nikol Paşinyan arasında əldə olunub.

Sənədə əsasən, əməkdaşlıq mülki atom energetikası sahəsində nəzərdə tutulur. Biotexnologiyaların, yarımkeçiricilərin inkişafı və enerji təhlükəsizliyi sahələrində də memorandumlar imzalanıb.

Bundan əlavə, Yerevan və Vaşinqton arasında “Dünyanın kəsişməsi” adlanan nəqliyyat dəhlizlərinin inkişafı üçün əməkdaşlıq nəzərdə tutulur.

Humay Eminqızı