Təyyarələrdə yeni dövr: Bu aviaşirkət əl yükünün ölçülərini dəyişir

Avropanın ən böyük sərnişin daşıyan hava yolu şirkəti "Ryanair" diqqət çəkən addım atıb. Sentyabr ayında qüvvəyə minəcək dəyişikliklə kabin baqajının ölçülərinə yenidən baxılıb.

E-huquq.az xarici mətbuata istinadən xəbər verir ki, İrlandiyada yerləşən "Ryanair" aviaşirkəti hava ilə səyahət etməyi seçən sərnişinlər üçün yeninilik tətbiq edib.

2025-ci ilin sentyabr ayında qüvvəyə minəcək yeni tənzimləmə ilə əl yükünün ölçülərinə yenidən baxılıb.

Bu dəyişikliklərə əməl etməyən sərnişinləri həm cərimələr, həm də əlavə ödənişlər gözləyir.

Mövcud qaydalara əsasən, sərnişinlər 40x20x25 sm ölçüdə, çəkisi 10 kiloqrama qədər olan kiçik əl yüklərini pulsuz daşıya bilərlər. Lakin Avropa İttifaqının (Aİ) qaydalarına görə, sentyabr ayından etibarən "Ryanair" ilə uçan sərnişinlər üçün bu ölçülər 40x30x20 sm-ə qədər artırılacaq.

Dəyişikliyin sərnişinlər üçün rahatlıq yaradacağını bildirən aviaşirkət qaydalara əməl olunmasının təyyarəyə minməni sürətləndirəcəyini və gecikmələrin azalacağını bildirib.

Bununla belə, "Ryanair"ın yeni qərarı kabin baqajı qaydalarını pozan sərnişinlər üçün bir maneə kimi qeyd edilib.

Şəbnəm Mehdizadə