Ərdoğan Putinlə görüşəcək

Şanxay Əməkdaşlıq Təşkilatının (ŞƏT) sammitində iştirak etmək üçün Çinə səfər edən Türkiyə Prezidenti Rəcəb Tayyib Ərdoğanın burada rusiyalı həmkarı Vladimir Putinlə görüşü planlaşdırılıb.

E-huquq.az xəbər verir ki, bu barədə "Anadolu" agentliyi məlumat yayıb.

R.T.Ərdoğan sentyabrın 1-də Çinin Tianjin şəhərində keçiriləcək ŞƏT sammitinin genişləndirilmiş iclasında çıxış edəcək və digər dövlətlərin liderləri ilə görüşlər keçirəcək.

ŞƏT 2001 - ci ildə Çin, Rusiya, Qazaxıstan, Qırğızıstan, Tacikistan və Özbəkistan liderləri tərəfindən Şanxayda yaradılmış beynəlxalq təşkilatdır. Təşkilat terrorçuluq, ekstremizm və narkotiklərin qanunsuz dövriyyəsi ilə mübarizə və ticarət-iqtisadi əlaqələrin inkişafı ilə məşğuldur. Hazırda ŞƏT-ə 10 ölkə daxildir. Təsisçi dövlətlərdən əlavə Belarus, Hindistan, İran və Pakistan da təşkilata üzvdürlər.