Yer planeti görünməz asteroidlərlə toqquşa bilər

Alimlər yüzlərlə asteroidin Yer üçün uzunmüddətli ciddi təhlükə yarada biləcəyini ehtimal edir.

E-huquq.az xarici mətbuata istinadən xəbər verir ki, São Paulo Dövlət Universitetinin astronomu Valerio Karruba bildirib ki, onun rəhbərlik etdiyi tədqiqat qrupu potensial təhlükəli asteroidlərin populyasiyasını aşkar edib.

Bu göy cisimləri Mars və Yupiter arasındakı əsas asteroid qurşağında yerləşmir, Venera və Günəş ətrafında rezonansda fırlanırlar.

Asteroidlərin əks etdirdikləri işıq Günəşin parlaqlığında itərək onları görünməz edir.

Bu günə qədər Venera ilə sinxronlaşan 20 asteroid müəyyən edilib. Bu asteroidlər Venera deyil, Günəş ətrafında fırlanır. Onlar bəzən mürəkkəb naxışlarda Veneranın orbitini qabaqlayır, bəzən geriləyir və bəzən də kəsirlər. Bu cisimlər orta hesabla hər 12.000 ildən bir forma dəyişir və yalnız 150 ildən sonra etibarlı şəkildə proqnozlaşdırıla bilər.

Carruba vurğulayıb ki, diametri təqribən 300 metr olan asteroid 3 ilə 4,5 kilometr genişlikdə bir krater yarada və yüzlərlə meqaton enerji buraxaraq böyük bir şəhəri potensial olaraq dağıda bilər.

Tədqiqatçılar müəyyən ediblər ki, ekssentriklikləri aşağı olan asteroidlər də Yer üçün təhlükə yarada bilər. Mütəxəssislər hesab edirlər ki, bu "kor nöqtəni" aradan qaldırmağın ən təsirli yolu Veneranın orbitində kosmik rəsədxana yerləşdirməkdir.

Araşdırma Astronomy & Astrophysics jurnalında dərc olunub.

Humay Eminqızı