Tatarıstanda qatar yük maşını ilə toqquşub

Tatarıstanın Zelenodolsk vilayətində sərnişin qatarı ilə yük maşını toqquşub.

E-huquq.az xəbər verir ki, bu barədə Rusiya İstintaq Komitəsi məlumat yayıb.

Hadisə günorta saatlarında Qorki dəmir yolunun 753-cü kilometrliyində, Sviyajsk stansiyası yaxınlığında baş verib.

Qəza nəticəsəndə ölən və yaralanan olmayıb.

Faktla bağlı Rusiya Federasiyası Cinayət Məcəlləsinin 263-cü (hərəkətin təhlükəsizliyi və dəmir yolu nəqliyyatının istismarı qaydalarını pozma) maddəsi ilə araşdırma aparılır, hadisə yerinə baxış keçirilir.

Humay Eminqızı