Cənubi Koreyada mülki nüvə sığınacağı tikilir

Cənubi Koreya ilk dəfə mülki nüvə sığınacağı tikməyə hazırlaşır.

E-huquq.az xarici mətbuata istinadən xəbər verir ki, buna səbəb Şimali Koreyanın artan nüvə hücumu təhdidləridir.

2028-ci ildə başa çatdırılması planlaşdırılan obyekt hücum zamanı 1000-dən çox insanı iki həftə ərzində yaşayış sahəsi ilə təmin edəcək.

“The Korea Herald” nəşri yazır ki, Seulda yeni yaşayış kompleksinin altında tikiləcək sığınacaq fövqəladə hallar istisna olmaqla ictimai idman zalı kimi fəaliyyət göstərəcək.

Kompleksin üçüncü zirzəmisində yerləşən obyekt 2100 kvadratmetrdən çox ərazini əhatə edəcək və 1020 nəfəri qəbul edə bilər.

Layihə 16 hündürmərtəbəli bina və 1200-dən çox yaşayış məntəqəsinin bir hissəsindən ibarət olacaq.

Sığınacaqda xüsusi havalandırma, təmiz su anbarı və tullantıların idarə olunması sistemləri olacaq.

Humay Eminqızı