Rus kosmonavtları kosmosda yetişdirilən ilk kristalları toplayıb

Rusiyalı kosmonavtlar kosmosda yetişdirilən ilk kristalları toplayıblar.

E-huquq.az xarici mətbuata istinadən xəbər verir ki, Rusiyalı kosmonavtlar Sergey Rıjikov və Aleksey Zubritski Beynəlxalq Kosmik Stansiyadan (BKS) kənarda ikinci kosmos yürüşünü uğurla başa vurub.

"Poisk" modulunun lyuku Moskva vaxtı ilə saat 17:18-də açılıb və gəzinti ümumilikdə 6 saat 54 dəqiqə davam edib.

“Energiya” raket-kosmik korporasiyasının baş mühəndisi Maksim Zaytsev bildirib ki, “Ekran-M” eksperimenti zamanı bəzi texniki nasazlıqlar yaşanıb, lakin kosmonavtlar bu məsələləri tez bir zamanda həll edib və missiyanı uğurla başa vurublar.

Roskosmos ilk dəfə kosmosda mükəmməl kristal strukturların yetişdirildiyini açıqlayıb. Təcrübə günəş panellərində və mikroelektronikada istifadə olunan qallium arsenid əsaslı super təmiz filmlərin inkişafı üçün həlledici rol oynaya bilər.

Şəbnəm Mehdizadə