Luvr Muzeyindəki oğurluqda şübhəli bilinən 2 nəfər əməlini etiraf edib

Parisdəki Luvr Muzeyində oğurluqla bağlı həbs edilən iki şübhəli əməlini etiraf edib.

E-huquq.az xəbər verir ki, bu barədə Paris prokurorluğu məlumat yayıb.

Məlumata görə onlar həbs olunublar.

Oğurlanmış qızıl-zinət əşyaları isə hələ tapılmayıb.

Şənbə axşamı saxlanılan iki şübhəli dörd gün ərzində dindirilib.

Onlardan biri 34 yaşında olan Əlcəzair vətəndaşıdır. O daha əvvəl yol hərəkəti qaydalarının pozulmasına görə məsuliyyətə cəlb olunub. Hadisə yerində tapılan skuterdəki DNT nümunələri vasitəsilə o müəyyən edilib.

Digər şübhəli isə 39 yaşlı, qeyri-qanuni taksi fəaliyyəti və kuryerliklə məşğul olan Fransa vətəndaşıdır. Daha əvvəl oğurluğa görə məhkum edilmiş bu şəxsin DNT-si də sındırılmış vitrinin şüşəsində tapılıb.

İş üzrə şübhəli bilinən digər şəxslərin axtarışları davam edir.

Humay Eminqızı