Qohumlar arasında mübahisə düşdü: 1 nəfər öldü, 4 nəfər yaralandı

Türkiyənin İstanbul şəhərində qohumlar arasında kütləvi dava olub.

E-huquq.az Türkiyə mətbuatına istinadən xəbər verir ki, İstanbulun Esenyurt səmtində iki qohum ailə arasında mübahisə baş verib.

Mübahisə qısa zamanda davaya çevrilib və tərəflər bir-birinə bıçaq və dəyənəklə hücum edib.

Dava zamanı bıçaqlanan 1 nəfər ölüb, 4 nəfər yaralanıb.

Hadisə yerinə çoxlu sayda polis və tibb işçisi göndərilib.

Yaralılar yaxınlıqdakı xəstəxanalara çatdırılıb.

Polis davada iştirak edən şübhəlilərin tutulması üçün əməliyyata başlayıb.

Şəbnəm Mehdizadə