Rusiyada 4 balıqçının meyiti tapıldı

Rusiya Federasiyasının Perm vilayətində, Vişera çayının sularında 4 balıqçının meyiti tapılıb.

E-huquq.az xəbər verir ki, bu barədə Regional İstintaq Komitəsinin mətbuat xidməti məlumat yayıb.

Məlumata əsasən, Danilov Luq kəndi yaxınlığındakı çaydan 1958 və 1983-cü il təvəllüdlü kişi meyitləri tapılıb. Müstəntiqlər cəsədlərin balıqçı torlarına dolaşdığını bildiriblər.

Danilov Luq kəndindən 1,5 kilometr aralıda aşmış daha bir qayığın yaxınlıqda 1959 və 1971-ci il təvəllüdlü iki nəfərin balıqçı toruna dolaşmış meyitini də aşkar edilib.

İlkin məlumata görə, hadisələr gecə balıq ovu zamanı baş verib.

Onların ölümü ilə bağlı araşdırma davam edir.

Humay Eminqızı