Almaniyada tibb işçisi ömürlük azadlıqdan məhrum edilib

Qərbi Almaniyanın Würselen şəhərində 10 xəstəni öldürməkdə və 27 xəstəni öldürməyə cəhddə təqsirli bilinən tibb qardaşının məhkəmə prosesi keçirilib.

E-huquq.az xarici mətbuata istinadən xəbər verir ki, təqsirləndirilən şəxs gecə növbələrində iş yükünü azaltmaq üçün yaşlı xəstələrə ağrıkəsici və ya sakitləşdirici dərmanlar vurub.

Cinayətlərin 2023-cü ilin dekabrından 2024-cü ilin mayına qədər baş verdiyi bildirilir.

Fransa xəbər agentliyi AFP-nin məlumatına görə, şübhəli 2007-ci ildə tibb təhsilini başa vurduqdan sonra 2020-ci ildə Würselen xəstəxanasında işləməyə başlayıb.

O, 2024-cü ildə həbs edilib.

Məhkəmənin qərarına əsasən o, ömürlük həbs cəzasına məhkum edilib.

Şəbnəm Mehdizadə