Türkiyədə ağır yol qəzası: 3 nəfər ölüb, 6 nəfər yaralanıb

Türkiyənin Niğde şəhərində ağır yol-nəqliyyat hadisəsi baş verib.

E-huquq.az türkiyə KİV-ə istinadən xəbər verir ki, Niğdenin Çamardı rayonunda iki avtomobil toqquşub.

Qəza nəticəsində 3 nəfər ölüb, 6 nəfər yaralanıb.

Hadisə yerinə jandarma, polis və tibb işçiləri cəlb edilib.

Yaralılar Niğde Ömer Halisdemir Universiteti Tədris və Araşdırma Xəstəxanasına aparılıb.

Qəza ilə bağlı araşdırmalara başlanılıb.

Şəbnəm Mehdizadə