ABŞ-də növbəti silahlı atışma baş verdi, yaralılar var

ABŞ-nin Kaliforniya ştatında yerləşən ticarət mərkəzində atışma baş verib.

E-huquq.az xəbər verir ki, bu barədə NBC telekanalı məlumat yayıb.

Hadisə nəticəsində iki nəfər yaralanıb.

Bildirilib ki, atışma "Valley Fair Mall" alış-veriş mərkəzində qeydə alınıb və dərhal təxliyə tədbirləri həyata keçirilib. Polis sakinlərdən hadisə zonasına yaxınlaşmamağı xahiş edib.

Qeyd edək ki, 26 noyabr tarixində də Ağ Ev yaxınlığında atışma baş vermişdi. Həmin insident zamanı xəsarət alan Milli Qvardiya əməkdaşlarından biri həyatını itirib, digərinin vəziyyəti isə ağır olaraq qalır.