Təslim olan fələstinlilərin öldürülməsi ilə bağlı 3 İsrail polisinin barəsində cinayət işi açıldı

Fələstinli iki şəxsin İordan çayının Qərb sahilindəki Cənin şəhərində təslim olaraq əllərini qaldırıb binadan çıxdıqdan sonra öldürülməsi dünya mediasının diqqətini çəkib. Bununla bağlı, ifadə verən Sərhəd Polisi əməkdaşları bildiriblər ki, fələstinlilərin terrorçu olduğundan və onlara zərər verməyə cəhd göstərə biləcəyindən ehtiyat ediblər.

E-huquq.az xəbər verir ki, bu barədə The Times of Israel məlumat yayıb.

Qeyd edək ki, hadisə kameraya düşüb və hadisənin həqiqətən bu cür olması sonradan rəsmilər tərəfindən təsdiqlənib ki, bu da beynəlxalq səviyyədə qınanmalara səbəb olub.

Ədliyyə Nazirliyinin Daxili Polis Araşdırmaları Departamenti hadisədə iştirak edən üç Sərhəd Polisi əməkdaşı barəsində cinayət işi açıb.

Fələstin mediasının məlumatına görə, ölən şəxslər 26 yaşlı Mahmud Qassem Abdallah və 37 yaşlı Yusif Asasa olub. Onlar İsrail tərəfindən əsgərlərə qarşı partlayış və atışma hücumlarında iştirakda şübhəli bilinirdilər. Fələstin İslami Cihad terror qruplaşması onların özünün hərbi qanadının üzvləri olduğunu təsdiqləyib.

Əvvəllər şübhəlilərin göstərişlərə əməl etmədiyini iddia edən tərəflərin məlumatına görə, Daxili Polis Araşdırmaları Departamentində dindirilmə zamanı əməkdaşlar şübhəlilərin evində silah və partlayıcı maddələr olduğunu, buna görə də onlara müəyyən bir yerə getməyi əmr etdiklərini deyiblər.

Mənbə: APA