Yunanıstanda yüz minlərlə xırda buynuzlu heyvan məhv edilib

Yunanıstanda qoyun və keçilər arasında yayılan çiçək xəstəliyinə görə yüz minlərlə heyvan məhv edilib.

E-huquq.az xəbər verir ki, fermalardan birində xəstəlik aşkar edildikdən sonra baytarlıq qrupları bütün sürünü məhv ediblər.

Qoyun-keçi çiçək virusu ilk dəfə 2024-cü ilin avqustunda ölkənin şimalında aşkarlanıb və o vaxtdan bir çox bölgələrə yayılıb. Yunanıstanın Kənd Təsərrüfatı İnkişafı və Ərzaq Nazirliyinin məlumatına görə, noyabrın ortalarına qədər 1702 yoluxma hadisəsi qeydə alınıb.

Təsərrüfatda baş verən bir yoluxma halı bütün sürünün profilaktik məhvini tələb edir. Bu günə qədər təxminən 417.000 qoyun və keçi kəsilib ki, bu da sürülərin ümumi sayının 4-5 faizini təşkil edir.

Yunanıstanda qoyun və keçi südünün təxminən 80 faizi feta pendirinin istehsalında istifadə olunur. Aİ ölkələrində Feta pendiri yalnız Yunanıstanda istehsal edilir.
Təkcə keçən il Yunanıstan 785 milyon avro dəyərində feta pendiri ixrac edib.

Bəzi kiçik süd zavodları artıq süd tədarükü ilə bağlı problemlər yaşayır.

Ekspertlər hesab edirlər ki, süd istehsalının azalması istehsal xərclərini artırır və qiymət artımı qaçılmaz ola bilər.

Karditsa yaxınlığındakı fermer Tassos Manakas, 873 heyvanının oktyabrın 9-da kəsildiyini söyləyib.

Hökumət hər kəsilən heyvan üçün yaşından asılı olaraq 132 ilə 220 avro arasında kompensasiya ödəyir. Fermerlər bunun itkiləri qarşılamadığını deyirlər.

Şəbnəm Mehdizadə