Rusiya və Səudiyyə Ərəbistanı bütün növ pasport sahibləri üçün viza tələblərinin qarşılıqlı ləğvi haqqında hökumətlərarası saziş imzalayıb.
E-huquq.az TASS-a istinadən xəbər verir ki, hər iki ölkənin vətəndaşları bir-birinin ərazisinə ildə 90 günə qədər vizasız daxil ola və qala biləcək. Bunun üçün onlar etibarlı pasport təqdim etməlidirlər: beynəlxalq, diplomatik və ya xidməti.
Ölkələr həmçinin iqlim dəyişikliyi və aşağı karbonlu inkişaf məsələləri üzrə qarşılıqlı anlaşma haqqında saziş imzalayıblar.
Digər saziş arxiv işi sahəsində əməkdaşlığa aiddir.
Humay Eminqızı
