ABŞ-də dünyanın ən qara parçası istehsal edilib

ABŞ-nin Nyu-York ştatının İtaka şəhərində yerləşən Kornell Universitetinin mühəndisləri nanotexnologiyadan istifadə edərək dünyanın ən qara parçasını istehsal edib.

E-huquq.az xarici KİV-ə istinadən xəbər verir ki, parça üzərinə düşən işığın 99,87 faizini udur və demək olar ki, tamamilə görünməz effekt yaradır. Yeni materialın ən böyük üstünlüyü onun rəqiblərindən daha ucuz və istehsalının asan olmasıdır.

Kornell Universitetinin mühəndisləri və dizaynerləri indiyə qədər qeydə alınan ən qara parçanı yaratdıqlarını açıqladılar. Bu parça səthinə dəyən işığın demək olar ki, hamısını (99,87 faiz) udur və ultra qara görünüş yaradır.

Adi boyalardan kənara çıxan bu effekt materialın nanometrik miqyasda yenidən qurulması ilə əldə edilib.

Lif alimi Hansadi Cayamaha bildirib ki, işıq əks olunaraq buraxılmaqdansa, bu nanofibrillər tərəfindən tutulur. Ultra qara effekti yaradan da budur.

Şəbnəm Mehdizadə