İran quraqlıqla mübarizədə süni yağış texnologiyasından istifadə edir

İranda həddindən artıq quraqlıq səbəbiylə su böhranı davam edir.

E-huquq.az xəbər verir ki, quraqlıqla mübarizə çərçivəsində ölkədə süni yağış texnologiyasına başlanılıb. Bunun üçün pilotsuz uçuş aparatları (PUA) istifadə edilir.

İranın energetika naziri Abbas Əliabadi parlamentə əməliyyatların həcmi və nəticələri barədə ətraflı məlumat verib.

Nazir ölkə daxilində bu texnologiyanın indi daha sistemli, elmi və məlumatlara əsaslanan şəkildə həyata keçirildiyini bildirib.

Süni yağış texnologiyası məqsədyönlü, elmi məlumatlara əsaslanan şəkildə tətbiq edilir. Bu çərçivədə ötən il ərzində ölkənin 31 vilayətində 61 pilotsuz təyyarə əməliyyatı və 2 min saat quru əməliyyatı həyata keçirilib

İranlı nazir qeyd edib ki, bu əməliyyatlar Urmiya gölü, Zayed-e-Rud, Tehran, Əlburz, Fars və Xorasan bölgələrində cəmləşib.

Onun sözlərinə görə, yeni ildə əlverişli yağıntı nümunələri müəyyən edildikdən sonra bu texnologiya eyni bölgələrdə davam edəcək.

Şəbnəm Mehdizadə