ABŞ Beynəlxalq Cinayət Məhkəməsinin iki hakiminə qarşı sanksiya tətbiq etdi

ABŞ Fələstindəki vəziyyətlə bağlı araşdırmanın bir hissəsi olaraq maraqlı ölkələrə yeni bildiriş göndərmək üçün İsrailin tələbini təmin etməkdən imtina etdiklərinə görə Beynəlxalq Cinayət Məhkəməsinin (BCM) iki hakiminə sanksiya tətbiq edib.

E-huquq.az xəbər verir ki, bu barədə ABŞ Dövlət Katibi Marko Rubionun açıqlamasında bildirilib.

Sənədə əsasən, sanksiyalar Gürcüstandan olan hakim Qoça Lordkipanidze və Monqolustandan olan hakim Erdenebalsuren Damdinə qarşı tətbiq olunub.

"Bu şəxslər İsrail vətəndaşlarının İsrail [hakimiyyətinin] razılığı olmadan Beynəlxalq Cinayət Məhkəməsi tərəfindən araşdırılmasına, həbsinə, saxlanmasına və təqib olunmasına yönəlmiş cəhdlərlə birbaşa əlaqəlidirlər; xüsusən də 15 dekabrda İsrailin apelyasiya şikayətinə qarşı BCM-in qərarını qüvvədə saxlamaq üçün səsvermədə birbaşa iştirak edirlər", - Rubio açıqlamasında deyilir.