Ərdoğan Livan Prezidenti ilə regional məsələləri müzakirə etdi

Türkiyə Prezidenti Rəcəb Tayyib Ərdoğan livanlı həmkarı Cozef Aunla telefon danışığı aparıb.

E-huquq.az xəbər verir ki, bu barədə Türkiyə Prezidenti Administrasiyası "X" sosial şəbəsindəki səhifəsində məlumat paylaşıb.

Söhbət zamanı ikitərəfli münasibətlər və regional məsələlər müzakirə edilib.

Ərdoğan bildirib ki, Türkiyə daim Livanın sabitliyini və suverenliyini müdafiə edir. O qeyd edib ki, Türkiyə Livanın təhlükəsizliyini dəstəkləyən beynəlxalq mexanizmlərdə iştirak etməyə hər zaman hazırdır.

Türkiyə lideri vurğulayıb ki, ölkəsi Suriyadakı böyük dəyişikliyin bölgənin sabitliyinə töhfə verməsi üçün dəstəyini davam etdirəcək.