Suriyada İŞİD terrorçuları saxlanılıb

Suriyanın paytaxtı Dəməşqdə İŞİD terror təşkilatının üzvləri ələ keçirilib.

E-huquq.az Suriyanın rəsmi dövlət televiziya kanalı Əl-İxbariyyəyə istinadən xəbər verir ki, bu barədə ölkənin Daxili İşlər Nazirliyindəki mənbə məlumat verib.

"Özünü Dəməşqin qubernatoru adlandıran "Əbu Ömər Tayba" kod adlı Taha əz-Zubi və onun köməkçiləri Suriya təhlükəsizlik qüvvələri ilə ABŞ-nin başçılıq etdiyi Terrorla Mübarizə Koalisiyası ilə birgə keçirdiyi əməliyyat nəticəsində ələ keçirilib" - deyə mənbə qeyd edib.

Taha əz-Zubi və onun bəzi köməkçilərinin partlayıcı jilet geyindikləri məlum olub.

Şəbnəm Mehdizadə