Ankarada 7 nəfər həşərat dərmanından zəhərlənib

Türkiyənin Ankara şəhərində 7 nəfər zəhərlənmə şübhəsi ilə xəstəxanaya yerləşdirilib.

E-huquq.az "TRT Haber"ə istinadən xəbər verir ki, Ankaranın Polatlı rayonunun Yeni Mahalle məhəlləsindəki Ermiş küçəsində insektisid (zərərvericilərə qarşı kimyəvi maddə) təsirinə məruz qalana 7 nəfər təcili tibbi yardım xidmətinə müraciət edib.

Zərərçəkənlər Polatlı Dövlət Xəstəxanasına çatdırılıb.

Onlardan 3-ü vəziyyətlərinin ağır olması səbəbilə Ankara Bilkent Şəhər Xəstəxanasına köçürülüb.

Hadisə yerində AFAD qrupları araşdırma aparıb.

Şəbnəm Mehdizadə