Minik avtomobili ilə mikroavtobus toqquşub: ölən və yaralılar var

Türkiyənin Sakarya şəhərində ağır yol-nəqliyyat hadisəsi baş verib.

E-huquq.az Türkiyə KİV-ə istinadən xəbər verir ki, Anadolu magistralının Sakarya hissəsində minik avtomobili ilə mikroavtobus toqquşub.

Qəza nəticəsində 1 nəfər ölüb, 3 nəfər yaralanıb.

Toqquşmanın gücündən mikroavtobus aşıb.

Əraziyə jandarma, xilasetmə və tibb qrupları sövq edilib.

Yaralılar təcili tibbi yardım maşını ilə yaxınlıqdakı xəstəxanalara çatdırılıb.

Şəbnəm Mehdizadə