Malayziya hökuməti "X" sosial şəbəkəsini məhkəməyə verəcək

Malayziya hökuməti "X" sosial şəbəkəsini istifadəçi təhlükəsizliyini təmin etmədiyi üçün məhkəməyə verəcək.

E-huquq.az xarici KİV-ə istinadən xəbər verir ki, bu barədə Malayziyanın Rabitə Naziri Fəhmi Fadzil məlumat verib.

Nazir paytaxt Kuala-Lumpurda keçirilən tədbirdə çıxış edərkən dezinformasiyanın yayılmasının ölkədə ciddi problemə çevrildiyini və bununla mübarizənin ümumi məsuliyyət olduğunu vurğulayıb.

O platformanı istifadəçi təhlükəsizliyini təmin etmədiyi üçün məhkəməyə verməyi nəzərdən keçirdiklərini də vurğulayıb.

"Bu problemi təkbaşına həll edə bilmərik. Ona görə digər əlaqədar qurumlarla sıx əməkdaşlıq zəruridir" - deyə nazir əlavə edib.

Şəbnəm Mehdizadə