Kabardin-Balkar dağlarında ötən il 18 nəfər ölüb

2025-ci ildə Kabardin-Balkar Respublikasının dağlıq ərazilərində 127 xilasetmə əməliyyatı həyata keçirilib.

E-huquq.az xəbər verir ki, bu barədə Rusiya Fövqəladə Hallar Nazirliyinin (FHN) Kabardin-Balkar Respublikası üzrə Baş İdarəsində keçirilən yekun mətbuat konfransında məlumat verilib.

Məlumata görə, əməliyyatlar zamanı 159 nəfər xilas edilib, 18 nəfər həlak olub.

Qeyd edək ki, 2024-cü ildə FHN 122 əməliyyat həyata keçirmiş, 14 nəfər həlak olmuşdu.

Humay Eminqızı