Tacikistan-Əfqanıstan sərhədindəki qarşıdurmada 4 nəfər ölüb

Tacikistan-Əfqanıstan sərhədində baş verən qarşıdurmada 4 nəfər ölüb.

E-huquq.az xarici KİV-ə istinadən xəbər verir ki, bu barədə Tacikistan Sərhəd Qüvvələri məlumat yayıb.

Məlumata görə, Əfqanıstandan qeyri-qanuni yollarla ölkəyə keçməyə cəhd edən silahlı şəxslərlə Tacikistan sərhəd təhlükəsizlik qüvvələri arasında qarşıdurma baş verib.

4 silahlı dəstə üzvünün öldürüldüyü, onlara məxsus çoxlu sayda silah-sursatın hadisə yerində ələ keçirildiyi bildirilib.

Qeyd olunub ki, sərhəddə təhlükəsizlik təmin olunub və insidentlə bağlı araşdırmalara başlanılıb.

Şəbnəm Mehdizadə