Cənubi Koreyada süni intellektdən istifadə ilə bağlı əhatəli qanun layihəsi qəbul edilib

Cənubi Koreyada süni intellektin təhlükəsiz istifadəsini tənzimləyən hərtərəfli qanun layihəsi qəbul edilib.

E-huquq.az xəbər verir ki, Cənubi Koreyanın Elm və İnformasiya Kommunikasiya Texnologiyaları Nazirliyi “Süni intellektin etibarlılığının inkişafı və qurulmasına dair Əsas Qanun” adlı qanun layihəsi ilə bağlı açıqlama yayıb.

Bildirilib ki, bu gün qüvvəyə minən qanun dezinformasiyanın, dərin saxta məzmunun və süni intellektin digər zərərli təsirlərinin yayılmasının qarşısını almaq üçün hərtərəfli tənzimləyici baza yaradır.

Qanun hökumətə süni intellekt tərəfindən yaradılan yanlış məzmun və dərin saxtakarlıqlarla mübarizə üçün cərimələr tətbiq etmək və araşdırmalara başlamaq səlahiyyəti verir.

İstifadəçilərin gündəlik həyatına və təhlükəsizliyinə əhəmiyyətli dərəcədə təsir edə biləcək sahələrdə istifadə edilən sistemlərin “yüksək riskli AI” kimi təyin ediləcəyi, insanların süni intellekt məhsullarını başa düşməsi üçün su nişanlarından istifadənin məcburi olacağı və müəyyən standartlara cavab verən şirkətlərin ölkədə təmsilçisinin olmasının tələb olunacağı qeyd edilib.

Qanun dünyada süni intellektdən istifadə ilə bağlı ilk əhatəli hüquqi tənzimləmədir.

Şəbnəm Mehdizadə