Yaponiyada parlament buraxılıb

Yaponiya Parlamentinin aşağı palatası olan Nümayəndələr Palatası (Diet) növbədənkənar seçkilərlə əlaqəli olaraq rəsmən buraxılıb.

E-huquq.az Kyodo agentliyinə istinadən xəbər verir ki, palatanın iclasında bu barədə qərar qəbul edilib.

Normalda 2028-ci ilə qədər fəaliyyət göstərməli olan palatanın buraxılması növbədənkənar seçki prosesini rəsmən başladıb.

Fevralın 8-nə təyin edilən seçkilər üçün təşviqat kampaniyası yanvarın 27-də start götürəcək.

Baş nazir Sanae Takaichi daha əvvəl Nümayəndələr Palatasının yanvarın 23-də buraxılacağını açıqlamışdı.

Şəbnəm Mehdizadə