2 yaşlı uşaq bilyard oyununa görə Ginnesin Rekordlar Kitabına düşüb

İngiltərənin Mançester şəhərində yaşayan 2 yaşlı Jude Owens bilyardda çətin atışları ilə Ginnesin Rekordlar Kitabına düşərək dünyanın ən gənc ikiqat rekordçularından biri olub.

E-huquq.az xarici KİV-ə istinadən xəbər verir ki, 2 yaş 261 günlük olarkən, "ikiqat qazan" rekordunu qıraraq hər iki texnikanı yerinə yetirən ən gənc insan adına sahib olub.

O, həmçinin, peşəkar sponsorluq müqaviləsi imzalayan ən gənc bilyardçı kimi də tarixə düşüb.

Jude'nin atası Luke Owens, oğlunun istedadını bilyard ipini təbii şəkildə tutduğunu gördükdən sonra kəşf etdiyini qeyd edib. Boyu masaya çatmadığı üçün əvvəlcə stuldan istifadə edən Jude, indi mətbəxdə xüsusi stul ilə oyununu davam etdirir.

Ginnesin Rekordlar Kitabının baş redaktoru Craig Glenday belə gənc birinin bacarığını və qətiyyətini xüsusi hesab etdiklərini qeyd edib.

“Mançester Yunayted”in sadiq azarkeşi və futbolçu Bruno Fernandesin pərəstişkarı olan Jude, bilyard dünyasının gələcək ən böyük ulduzlarından biri kimi qəbul edilir.

Şəbnəm Mehdizadə