Medvedev: “Rusiya Ukrayna xalqı ilə, hətta Ukrayna dövləti ilə müharibə etmir”

Rusiya Ukrayna xalqına, hətta Ukrayna dövlətinə qarşı mübarizə aparmır, əksinə, anti-Rusiya yönümlü Kiyev rejiminə qarşı çıxır.

E-huquq.az xəbər verir ki, bu barədə Rusiya Federasiyası Təhlükəsizlik Şurası sədrinin müavini Dmitri Medvedev TASS-a verdiyi müsahibədə bildirib.

"Bu münaqişənin Ukrayna xalqı və ya hətta Ukrayna dövləti ilə olması tamamilə doğru deyil. Bu dövlətin SSRİ-nin dağılması nəticəsində yaranmış bütün spesifik xüsusiyyətlərinə baxmayaraq", - Medvedev bildirib.

O bildirib ki, söhbət orada mövcud olan rejimdən gedir: “Bu rejim anti-Rusiya, anti-rus xarakter daşıyır. O, daxili birliyi yaratmaq üçün bir sıra tamamilə qəbuledilməz faşist modellərindən istifadə edib. Və bu rejim onun ideologiyası ilə razılaşmayan insanlara zooloji nifrətə əsaslanır”.

Humay Eminqızı