Qonşusunu öldürüb cəsədini parçalayaraq dərəyə atdı - Dəhşətli hadisə

Türkiyənin Çorum şəhərində dəhşətli hadisə baş verib.

E-huquq.az "TRT Haber"ə istinadən xəbər verir ki, Çorumun Ulukavak məhəlləsində yaşayan 76 yaşlı Əli Osman Kaya yanvarın 28-i günorta saatlarında evdən çıxdıqdan sonra itkin düşüb.

Yaxınları polisə bu barədə məlumat verdikdən sonra araşdırma başlayıb.

O sonuncu dəfə qonşusu A.F.K.-ya məxsus avtomobildə Çatak bölgəsinə doğru gedərkən görüülüb.

Axtarışların 6-cı günündə dərə yatağındakı zibil torbalarının içərisində Kayanın parçalanmış cəsədi tapılıb.

Axtarışlara baxmayaraq meyitin başını tapmaq mümkün olmayıb.

Hadisəni törətməkdə şübhəli bilinən şəxs saxlanılıb.

Şəbnəm Mehdizadə