Slovakiyanın Ukraynaya hərbi yardım göstərmək niyyəti yoxdur

“Slovakiya Ukraynaya hərbi yardım göstərmir və gələcəkdə də bu siyasəti qorumağı planlaşdırır”.

E-huquq.az xəbər verir ki, bunu Slovakiya parlamentinin vitse-spikeri Tibor Qaşpar TASS-a müsahibəsində bildirib.

“Hazırkı hökumət, Robert Fico rəhbərliyində, davamlı olaraq bəyan edir ki, Slovakiya dövlət ehtiyatlarından Ukraynaya hərbi yardım göstərməyəcək. Bu siyasətin gələcəkdə də saxlanılması planlaşdırılır”, - vitse-spiker bildirib.

Eyni zamanda, Qaşpar qeyd edib ki, Slovakiya humanitar yardımı dəstəkləyir və konfliktin həlli üçün diplomatik səyləri dəstəkləyir.

Qaşpar həmçinin Macarıstanın Slovakiya və Çexiya Respublikası ilə birlikdə Kiyevə Aİ maliyyə yardımına qarşı alyans yaratmaq planlarını şərh edib: “Slovakiya Macarıstan və Çexiya da daxil olmaqla regional tərəfdaşları ilə müntəzəm məsləhətləşmələr aparır, lakin Aİ-nin Ukraynaya maliyyə yardımını əngəlləmək məqsədi daşıyan heç bir rəsmi alyans yaradılmayıb”.

Humay Eminqızı