Türkiyə fabrikdə güclü yanğın

Türkiyənin Silivri şəhərində yerləşən fabriklərdən birində yanğın baş verib.

E-huquq.az Türkiyə mətbuatına istinadən xəbər verir ki, yanğın fabrikinin zirzəmi hissəsində başlayıb.

Yanğınsöndürmə briqadaları, jandarma və təcili tibbi yardım qrupları əraziyə cəlb olunub.

Təxminən 3000 kvadratmetr sahəni əhatə edən istehsalat obyektində yanğının söndürülməsi istiqamətində işlər davam etdirilir.

Hadisə nəticəsində xəsarət alanlar barədə hələlik rəsmi məlumat açıqlanmayıb.

Humay Eminqızı