Əfqanıstan-Pakistan sərhədində toqquşmalar başlayıb, 22 nəfər həlak olub - YENİLƏNİB

Pakistan-Əfqanıstan sərhədində cavab əməliyyatı zamanı azı 22 Taliban üzvü öldürülüb.

E-huquq.az xəbər verir ki, bu barədə Pakistanın “Geo News” kanalı hüquq mühafizə orqanlarındakı mənbələrə istinadən məlumat yayıb.

Mənbələr əlavə ediblər ki, təhlükəsizlik qüvvələri Talibanın Pakistan-Əfqanıstan sərhədində səbəbsiz əməliyyatından sonra "Ghazab-lil-haqq" əməliyyatına başlayıb.

***

Əfqanıstan qüvvələri Pakistanın son hava hücumlarına cavab olaraq başlayan əməliyyat zamanı 15 Pakistan sərhəd məntəqəsini məhv edib.

E-huquq.az xəbər verir ki, bu barədə “TOLO News” xəbər agentliyi Əfqanıstan təhlükəsizlik qüvvələrindəki mənbələrə istinadən məlumat verib.

Qeyd edək ki, agentlik bundan öncə Əfqanıstan qüvvələrinin Nangarhar və Kunar əyalətləri yaxınlığında Pakistan Silahlı Qüvvələrinin səkkiz mövqeyini ələ keçirdiyini bildirmişdi.

Məlumata görə, Kabil tərəfindən tanınmayan iki ölkə arasındakı sərhəd olan Durand Xətti yaxınlığındakı Nuristan, Xost, Paktiya və Paktika əyalətlərinin sərhəd bölgələrində də döyüşlər davam edir.

Əməliyyatlar zamanı itkilər barədə hələ ki, məlumat verilməyib.