Güclü yanğın nəticəsində 5 ev külə döndü

Türkiyənin Bolu vilayətində güclü yanğın olub.

E-huquq.az "TRT Haber"ə istinadən xəbər verir ki, Bolunun Gerede rayonunda bir evdə başlayan yanğın sürətlə böyüyüb və ətarafa yayılıb.

Əraziyə cəlb olunan yanğınsöndürənlər bir müddət sonra alovu söndürüb.

Hadisə nəticəsində 5 ev və 8 ot tayası yararsız hala düşüb.

Evlərə dəyən zərərin qiymətləndirilməsi istiqamətində tədbirlər görülür.

Yanğının səbəbi araşdırılır.

Şəbnəm Mehdizadə